കോട്ടയത്തിനു പിന്നാലെ ഇടുക്കി സിപിഐ ജില്ലാ കൗൺസിൽ തെരഞ്ഞെടുപ്പിലും കാനം പക്ഷത്തിന് പരാജയം. കെ സലിംകുമാർ ജില്ലാ സെക്രട്ടറിയായി തെരഞ്ഞെടുക്കപ്പെട്ടു. ഇഎസ് ബിജിമോളെ പരാജയപ്പെടുത്തി 51 അംഗ കൗൺസിലിൽ 43 വോട്ടാണ് കെ സലിംകുമാറിനു ലഭിച്ചത്. 51 അംഗ കൗൺസിലിൽ 43 വോട്ടുകളാണ് സലിംകുമാറിനു ലഭിച്ചത്. ബിജിമോൾക്ക് വെറും 7 വോട്ടുകൾ മാത്രമേ ലഭിച്ചുള്ളൂ. ഒരു പ്രതിനിധി ഒഴിഞ്ഞുനിൽക്കുകയാണ്.

നിയമസഭയില്‍ ചിരിയുയര്‍ത്തി മന്ത്രി പിഎ മുഹമ്മദ് റിയാസും ഏറനാട് എംഎല്‍എ പികെ ബഷീറും. തന്‍റെ മണ്ഡലത്തിലെ റോഡ് നിര്‍മാണത്തെക്കുറിച്ചുള്ള പ്രശ്നം ഉന്നയിക്കവെയാണ് എംഎല്‍എയും മന്ത്രിയും പരസ്പരം ‘പുന്നാരേ’ എന്ന് വിശേഷിപ്പിച്ചത്. റീബില്‍ഡ് പദ്ധതിയിലുള്‍പ്പെടുത്തി ഏറനാട് മണ്ഡലത്തില്‍ എരഞ്ഞിമാവ് മുതല്‍ എടവണ്ണ വരെയും അരീക്കോട് സൗത്ത് മുതല്‍ മഞ്ചേരി വരെയും കെഎസ്ടിപി നിര്‍മിക്കുന്ന റോഡിന് ഭൂമി വിട്ടുകൊടുത്തവര്‍ക്ക് നഷ്ടമായ ചുറ്റുമതിലും ഗേറ്റും പുനര്‍നിര്‍മിച്ച് നല്‍കുന്നില്ലെന്നായിരുന്നു ബഷീറിന്‍റെ പരാതി.