സിപിഐഎമ്മിനെയും പ്രതിരോധത്തിൽ ആക്കി ചീഫ് വിപ്പ് എൻ.ജയരാജ്. പോപ്പുലര്‍ ഫ്രണ്ട് സാംസ്കാരിക പരിപാടിയിൽ ഞാൻ മാത്രമല്ല സിപിഐഎം പഞ്ചായത്ത് അംഗത്തിന്റെ പേരുണ്ടെന്നും എൻ.ജയരാജ് ട്വന്റിഫോറിനോട് പറഞ്ഞു. പിന്നെ തന്നെ മാത്രം എന്തിന് ടാർഗറ്റ് ചെയ്യുന്നു എന്നും ജയരാജ് ചോദിച്ചു

ഇന്ത്യയ്ക്കും കോണ്‍ഗ്രസിനും ഇടയില്‍ ഒരു വിടവ് രൂപപ്പെട്ടതായി തോന്നുവെന്നും ആത്മപരിശോധന ആവശ്യമാണെന്നും മനീഷ് തിവാരി. കോണ്‍ഗ്രസ് പുനരുജ്ജീവനം ആവശ്യപ്പെട്ട് പാര്‍ട്ടി അധ്യക്ഷ സോണിയ ഗാന്ധിക്ക് കത്തയച്ച ‘ജി23’ നേതാക്കളില്‍ ഒരാളാണ് തിവാരി. ഈ ഗ്രൂപ്പിലെ പ്രമുഖനായിരുന്ന ഗുലാം നബി ആസാദ് കഴിഞ്ഞ ദിവസം പാര്‍ട്ടിയില്‍ നിന്ന് രാജിവെച്ച പശ്ചാത്തലത്തിലാണ് തിവാരിയുടെ പ്രതികരണം.

എന്‍ഫോഴ്സ്മെന്റ് ഡയറക്റ്ററേറ്റിന് (ഇ.ഡി) വിശാല അധികാരം നല്‍കുന്ന വിധി പുനഃപരിശോധിക്കുമെന്ന ഉത്തരവില്‍ ഭേദഗതി ആവശ്യപ്പെട്ട് ഇഡി സുപ്രീം കോടതിയെ സമീപിച്ചു. സ്ഥാനം ഒഴിഞ്ഞ ചീഫ് ജസ്റ്റിസ് എന്‍.വി രമണയുടെ അധ്യക്ഷതയിലുള്ള ബെഞ്ച് വ്യാഴാഴ്ചയാണ് ജൂലായ് 27-ലെ വിധി പുനഃപരിശോധിക്കുമെന്ന് വ്യക്തമാക്കി ഉത്തരവിറക്കിയത്. ഈ ഉത്തരവില്‍ ഭേദഗതി ആവശ്യപ്പെട്ടാണ് ഇ.ഡി ഡെപ്യുട്ടി ഡയറക്ടര്‍ സുപ്രീം കോടതിയെ സമീപിച്ചിരിക്കുന്നത്.