കതിരൂർ മനോജ് കേസിലെ പ്രതി കവർച്ച കേസിൽ അറസ്റ്റിൽ. തലശേരി മാലൂർ സ്വദേശി സിനിൽ കുമാർ ആണ് പിടിയിലായത്. 2019 സെപ്തംബർ രണ്ടിന് കാസർഗോഡ് മൊഗ്രാൽ പുത്തൂരിൽ വച്ച് നടന്ന മോഷണ കേസിലെ മുഖ്യപ്രതിയാണ് സിനിൽ.

ദേശീയപാത 66 മൂന്നിയൂര്‍ വെളിമുക്കില്‍ വാഹനാപകടത്തില്‍ രണ്ടു പേര്‍ മരിച്ചു. ഒരാള്‍ക്ക് ഗുരുതരമായി പരിക്കേറ്റു. വേങ്ങര വലിയോറ ഇരുകുളം വലിയാക്കത്തൊടി ബാപ്പുട്ടി തങ്ങള്‍ എന്ന മുഹമ്മദ്‌കോയ തങ്ങളുടെ മകന്‍ അബ്ദുള്ള കോയ തങ്ങള്‍ (43), കോഴിക്കോട് ബാലുശ്ശേരി കണ്ണാടിപ്പൊയില്‍ കരിമ്പയില്‍ കപ്പിക്കുന്നത് സിദ്ധീഖിന്റെ മകന്‍ ഫായിസ് അമീന്‍ (19) എന്നിവരാണ് മരിച്ചത്. ഇന്ന് പുലര്‍ച്ചെ 3.15 ഓടെയായിരുന്നു അപകടം.

കണ്ണൂരിൽ പേ വിഷബാധയേറ്റ പശു ചത്തു. കണ്ണൂർ ചാലയിലെ സുനന്ദയുടെ പശുവിനാണ് പേവിഷബാധയേറ്റത്. ഇന്നലെ പശു പേ വിഷബാധയുടെ ലക്ഷണങ്ങൾ കാണിച്ചു. വെറ്റിനറി ഡോക്ടർമാരെത്തി പരിശോധന നടത്തി. എങ്ങനെയാണ് പേ വിഷ ബാധയേറ്റത് എന്ന കാര്യം വ്യക്തമല്ലെങ്കിലും പുല്ലിൽ നിന്നോ മറ്റോ ആയിരിക്കാം പേ ഏറ്റതെന്നാണ് പ്രാഥമിക നിഗമനം. പശുവിനെ പട്ടി കടിച്ചതായുള്ള ലക്ഷണങ്ങളോ മുറിവുകളോ പ്രത്യക്ഷത്തിൽ കാണുന്നില്ല.