2022 ട്വന്റി 20 ലോകകപ്പിനുള്ള ഇംഗ്ലണ്ട് ടീമിനെ പ്രഖ്യാപിച്ചു. സീനിയര്‍ താരവും ഓപ്പണര്‍ ബാറ്ററുമായ ജേസണ്‍ റോയ് ടീമില്‍ നിന്ന് പുറത്തായി. 15 അംഗ ടീമിനെയാണ് ഇംഗ്ലണ്ട് ആന്‍ഡ് വെയ്ല്‍സ് ക്രിക്കറ്റ് ബോര്‍ഡ് (ഇ.സി.ബി) പ്രഖ്യാപിച്ചത്. ഇത്തവണ ഓസ്‌ട്രേലിയയാണ് ട്വന്റി 20 ലോകകപ്പിന് ആതിഥേയത്വം വഹിക്കുന്നത്. ഒക്ടോബര്‍-നവംബര്‍ മാസങ്ങളിലായി ടൂര്‍ണമെന്റ് നടക്കും. ജോസ് ബട്‌ലറാണ് ഇംഗ്ലണ്ട് ടീമിന്റെ നായകന്‍. ക്രിസ് വോക്‌സ്, മാര്‍ക്ക് വുഡ് തുടങ്ങിയവര്‍ ടീമിലിടം നേടി.
ട്വന്റി 20 ലോകകപ്പിനുള്ള ഇംഗ്ലണ്ട് ടീമിനെ പ്രഖ്യാപിച്ചു, ജേസണ്‍ റോയ് പുറത്ത്
