ഫ്രാന്‍സിന്റെ പ്രതിരോധതാരം വെസ്ലി ഫോഫാനയെ സ്വന്തമാക്കി ഇംഗ്ലീഷ് വമ്പന്മാരായ ചെല്‍സി. ലെസ്റ്റര്‍ സിറ്റിയില്‍ നിന്നാണ് ഫോഫാന ചെല്‍സിയിലെത്തുന്നത്. ഏകദേശം 646 കോടി രൂപ മുടക്കിയാണ് ചെല്‍സി ഫോഫാനയെ റാഞ്ചിയത്. 21 കാരനായ ഫോഫാന ഏഴുവര്‍ഷത്തെ കരാറിലാണ് ചെല്‍സിയിലെത്തുന്നത്. പുതിയ ട്രാന്‍സ്ഫര്‍ വിന്‍ഡോയില്‍ ചെല്‍സി ടീമിലെത്തിക്കുന്ന മൂന്നാമത്തെ പ്രതിരോധതാരമാണ് ഫോഫാന. നേരത്തേ നാപ്പോളിയില്‍ നിന്ന് വെറ്ററന്‍ താരം കലിദോ കൗലിബാലിയെയും ബ്രൈട്ടണില്‍ നിന്ന് മാര്‍ക്ക് കുക്കുറെല്ലയേയും ചെല്‍സി ടീമിലെത്തിച്ചിരുന്നു.
ഫ്രഞ്ച് പ്രതിരോധതാരം വെസ്ലി ഫോഫാനയെ സ്വന്തമാക്കി ചെല്‍സി
