ഇന്ത്യയിൽ നിന്നു ഖത്തറിൽ എത്തുന്നവർക്ക് ‍ഞായർ മുതൽ ഹോട്ടൽ ക്വാറന്റീൻ ആവശ്യമില്ല. എന്നാൽ, ഇഹ്‌തെറാസ് മൊബൈൽ ആപ്ലിക്കേഷനിലെ പ്രീ-റജിസ്‌ട്രേഷൻ, കോവിഡ് പരിശോധന എന്നിവയിൽ മാറ്റമില്ല. പുതുക്കിയ നയം 4ന് വൈകിട്ട് ദോഹ സമയം 6.00 നു പ്രാബല്യത്തിലാകും. ക്വാറന്റീൻ നീക്കിയത് ഫിഫ ലോകകപ്പ് കാണാൻ എത്തുന്നവർക്കും മറ്റു പ്രവാസികൾക്കും ആശ്വാസമായി. ഖത്തറിൽ താമസിക്കുന്ന പ്രവാസികൾ വിദേശത്തു നിന്നു മടങ്ങിയെത്തി 24 മണിക്കൂറിനകം റാപ്പിഡ് ആന്റിജൻ പരിശോധന നടത്തണം. പോസിറ്റീവ് എങ്കിൽ ഹോം ക്വാറന്റീനിൽ കഴിയണം.