ഡിവൈഎഫ്ഐ പ്രവർത്തകർ പൊലീസ് ഉദ്യോഗസ്ഥരുടെ മേൽ കരി ഓയിൽ ഒഴിച്ച സംഭവത്തിൽ യൂണിഫോമിൻ്റെ ചിലവ് സേന തന്നെ വഹിക്കും. ഉപയോഗ ശൂന്യമായ യൂണിഫോമുകൾക്ക് പകരം പുതിയത് വാങ്ങുന്നതിന് ഡിജിപിയുടെ ഉത്തരവിട്ടു. കൊല്ലം, ആയുർ മാർത്തോമാ കോളജിൽ വിദ്യാർത്ഥി സംഘർഷത്തിനിടയിലാണ് പൊലീസ് ഉദ്യോഗസ്ഥർക്ക് നേരെ കരിയോയിൽ ഒഴിച്ചത്. 18 പൊലീസുകാർക്കാണ് പുതിയ യൂണിഫോം വാങ്ങാൻ പണം അനുവദിച്ച് ഡിജിപി ഉത്തരവ് ഇറങ്ങിയത്.