സമൂഹമാധ്യമങ്ങളിൽ അവഗണിച്ചതിനെ തുടർന്ന് പ്ലസ് ടു വിദ്യാർത്ഥിനിയ്ക്ക് നേരെ വെടിയുതിർത്ത യുവാവ് അറസ്റ്റിൽ. ഡൽഹിയിൽ ഓഗസ്റ്റ് 25നായിരുന്നു സംഭവം. 16 വയസുകാരിയായ പെൺകുട്ടി സ്കൂളിൽ നിന്ന് തിരികെവരുമ്പോൾ ഇയാൾ വെടിയുതിർക്കുകയായിരുന്നു. സംഭവത്തിൽ അർമാൻ എന്ന അമാനത് അലി എന്ന യുവാവ് പൊലീസ് പിടിയിലായി. ഇയാൾക്കെതിരെ വധശ്രമം ചുമത്തി കേസെടുത്തു. തോളിനു വെടിയേറ്റ പെൺകുട്ടി അപകടനില തരണം ചെയ്തു.