ഏതാനും വർഷങ്ങളായി ലോകമെമ്പാടുമുള്ള വാർത്തകൾ ചുരുക്ക രൂപത്തിലാക്കി എളുപ്പത്തിൽ വായിച്ചെടുക്കാൻ പാകത്തിൽ നിങ്ങളിലേക്കെത്തിച്ചിരുന്ന ഷോർട് ന്യൂസ് സർവീസ് നിർത്തലാക്കാൻ തീരുമാനിച്ച വിവരം നിങ്ങളെ വ്യസന സമേതം അറിയിക്കുന്നു… ഈ കാലമത്രയും ഞങ്ങളോട് സഹകരിച്ച എല്ലാവര്ക്കും നന്ദി. ലൈവ് ന്യൂസ് ചാനലുകൾ തുടർന്നും ഞങ്ങളുടെ ആപ്പിൽ ലഭ്യമായിരിക്കും. തുടർന്നും നിങ്ങളുടെ സഹകരണം പ്രതീക്ഷിക്കുന്നു…
അർഷ്ദീപ് സിംഗിന്റെ വിക്കിപീഡിയ പേജ് എഡിറ്റ് ചെയ്ത സംഭവം; ഇടപെട്ട് കേന്ദ്രസർക്കാർ
ഏഷ്യാ കപ്പ് ക്രിക്കറ്റിൽ പാക്കിസ്താനെതിരായ മത്സരത്തിൽ ക്യാച്ച് കൈവിട്ടതിന് പിന്നാലെ അർഷ്ദീപ് സിംഗിൻറെ വിക്കിപീഡിയ പേജ് എഡിറ്റ് ചെയ്ത് ഖാലിസ്ഥാനം ബന്ധം കൂട്ടിച്ചേർത്ത സംഭവത്തിൽ ഇടപെട്ട് കേന്ദ്രസർക്കാർ. സംഭവത്തിൽ വിക്കിപീഡിയ ഉദ്യോഗസ്ഥരെ ഐടി മന്ത്രാലയം വിളിച്ചുവരുത്തി വിശദീകരണം തേടി. അർഷ്ദീപിനെ കുറിച്ചുള്ള തെറ്റായ വിവരങ്ങൾ എങ്ങനെ വന്നു എന്ന് വിശദീകരിക്കണമെന്ന് വിക്കിപീഡിയ അധികൃതരോട് കേന്ദ്രം ആവശ്യപ്പെട്ടു.
കരാർ അവസാനിപ്പിച്ച് പേടിഎം; ബിസിസിഐ ടൈറ്റിൽ സ്പോൺസർമാരായി മാസ്റ്റർകാർഡ്
ബിസിസിഐ ടൈറ്റിൽ സ്പോൺസർമാരായി മാസ്റ്റർകാർഡ്. പ്രമുഖ ഡിജിറ്റൽ പേയ്മെൻ്റ്സ് കമ്പനിയായ പേടിഎം പിന്മാറിയതോടെയാണ് മാസ്റ്റർകാർഡ് ഈ സ്ഥാനത്തെത്തുന്നത്. 2023 വരെ കരാറുണ്ടെങ്കിലും പേടിഎം പിന്മാറാൻ തീരുമാനിക്കുകയായിരുന്നു. 2022-23 സീസണിലാവും പ്രാഥമികമായി മാസ്റ്റർകാർഡ് ബിസിസിഐ മത്സരങ്ങൾ സ്പോൺസർ ചെയ്യുക.
ട്വന്റി 20 ലോകകപ്പിനുള്ള ഇംഗ്ലണ്ട് ടീമിനെ പ്രഖ്യാപിച്ചു, ജേസണ് റോയ് പുറത്ത്
2022 ട്വന്റി 20 ലോകകപ്പിനുള്ള ഇംഗ്ലണ്ട് ടീമിനെ പ്രഖ്യാപിച്ചു. സീനിയര് താരവും ഓപ്പണര് ബാറ്ററുമായ ജേസണ് റോയ് ടീമില് നിന്ന് പുറത്തായി. 15 അംഗ ടീമിനെയാണ് ഇംഗ്ലണ്ട് ആന്ഡ് വെയ്ല്സ് ക്രിക്കറ്റ് ബോര്ഡ് (ഇ.സി.ബി) പ്രഖ്യാപിച്ചത്. ഇത്തവണ ഓസ്ട്രേലിയയാണ് ട്വന്റി 20 ലോകകപ്പിന് ആതിഥേയത്വം വഹിക്കുന്നത്. ഒക്ടോബര്-നവംബര് മാസങ്ങളിലായി ടൂര്ണമെന്റ് നടക്കും. ജോസ് ബട്ലറാണ് ഇംഗ്ലണ്ട് ടീമിന്റെ നായകന്. ക്രിസ് വോക്സ്, മാര്ക്ക് വുഡ് തുടങ്ങിയവര് ടീമിലിടം നേടി.
ബൈച്ചുങ് ബൂട്ടിയക്ക് വന് തോല്വി; കല്യാണ് ചൗബെ അഖിലേന്ത്യാ ഫുട്ബോള് ഫെഡറേഷന് പ്രസിഡന്റ്
അഖിലേന്ത്യാ ഫുട്ബോള് ഫെഡറേഷനിലേക്കുള്ള(എഐഎഫ്എഫ്) തെരഞ്ഞെടുപ്പില് ഔദ്യോഗിക പാനലിന് ജയം. ഇതിഹാസ താരം ബൈച്ചുങ് ബൂട്ടിയ തോല്വി നേരിട്ടപ്പോള് മുന് ഇന്ത്യന് ഗോള് കീപ്പറും ബംഗാളിലെ ബിജെപി എം എല് എയുമായ കല്യാണ് ചൗബെ പ്രസിഡന്റായി തെരഞ്ഞെടുക്കപ്പെട്ടു. 33 സംസ്ഥാന അസോസിയേഷനുകളുടെ പിന്തുണയോടെയാണ് ചൗബെ പ്രസിഡന്റാവുന്നത്. ഒരു സംസ്ഥാന അസോസിയോഷന് മാത്രമാണ് ബൂട്ടിയയെ പിന്തുണച്ചത്. എഐഎഫ്എഫിന്റെ പ്രസിഡന്റാവുന്ന ആദ്യ ഫുട്ബോള് താരമാണ് കല്യാണ് ചൗബെ.