സൗദി അറേബ്യയുടെ വടക്കൻ അതിർത്തി മേഖലയിലെ അറാർ നഗരത്തിൽ കെട്ടിടങ്ങളിൽ അഗ്നിബാധ. അൽമുസാഅദിയ ഡിസ്ട്രിക്ടിനു സമീപത്തായി സ്ഥിതി ചെയ്യുന്ന രണ്ടു കെട്ടിടങ്ങളിൽ വൻ തീപിടുത്തമാണ് ഉണ്ടായത്. അതേസമയം സംഭവത്തില് ആളപായമൊന്നും റിപ്പോര്ട്ട് ചെയ്തിട്ടില്ല. കെട്ടിടങ്ങളിൽ കുടുങ്ങിക്കിടന്ന എട്ടു പേരെ സിവിൽ ഡിഫൻസ് രക്ഷപ്പെടുത്തി. കഴിഞ്ഞ ദിവസം പുലർച്ചെ 1.32ന് ആണ് അഗ്നിബാധയെ കുറിച്ച് സിവിൽ ഡിഫൻസ് കൺട്രോൾ റൂമിൽ വിവരം ലഭിച്ചതെന്ന് ഉത്തര അതിർത്തി പ്രവിശ്യ സിവിൽ ഡിഫൻസ് വക്താവ് കേണൽ ഫഹദ് അൽ അനസി പറഞ്ഞു.
നൂറ് കിലോ ഹാഷിഷുമായി പ്രവാസി പിടിയില്; വില കോടികള്
ഈജിപ്ത് സ്വദേശിയെയാണ് കുവൈത്ത് ലഹരി വിരുദ്ധ വിഭാഗം അറസ്റ്റ് ചെയ്തത്. രാജ്യത്തേക്ക് ലഹരിമരുന്ന് കടത്തിയ ഇയാളെ അധികൃതര് പിടികൂടുകയായിരുന്നു. കുവൈത്തില് മത്സ്യത്തൊഴിലാളിയാണ് ഇയാള്. തന്റെ സഹോദരന് ലഹരിമരുന്ന് കേസില് ഉള്പ്പെട്ട് കുവൈത്തില് നിന്ന് നാടുകടത്തപ്പെട്ടതാണെന്ന് ഇയാള് സമ്മതിച്ചു. ഇറാഖില് നിന്നുള്ള ലഹരി കടത്തുകാരനുമായി ബന്ധമുണ്ടെന്നും ഇയാള് ഇറാനില് നിന്ന് ലഹരിമരുന്ന് ഫൈലക ദ്വീപിന് സമീപമുള്ള മിസ്കാന് ഐലന്ഡിലെ തീരത്തേക്ക് വലിച്ചെറിയുകയാണ് ചെയ്തിരുന്നതെന്നും പ്രതി കുറ്റസമ്മതം നടത്തി.
ഖത്തര് ലോകകപ്പ് കാണാനെത്തുന്നവര്ക്ക് യുഎഇയില് മള്ട്ടിപ്പിള് എന്ട്രി വിസ
ലോകകപ്പ് ഫുട്ബോള് കാണാനെത്തുന്ന ഹയാ കാര്ഡ് കൈവശമുള്ളവര്ക്ക് യുഎഇയില് മള്ട്ടിപ്പിള് എന്ട്രി ടൂറിസ്റ്റ് വിസ പ്രഖ്യാപിച്ചു. 90 ദിവസത്തെ മള്ട്ടിപ്പിള് എന്ട്രി വിസയാണ് യുഎഇ സര്ക്കാര് പ്രഖ്യാപിച്ചത്. ഖത്തറിലേക്കുള്ള പ്രവേശന പാസായ ഹയാ കാര്ഡുള്ളവര്ക്കാണ് വിസ ലഭിക്കുക. ഒറ്റത്തവണ വിസ ഫീസ് നൂറ് ദിര്ഹമായി കുറച്ചതായും അധികൃതര് അറിയിച്ചു. വിസ ലഭിക്കുന്നവര്ക്ക് വിസ അനുവദിച്ച ദിവസം മുതല് 90 ദിവസം യുഎഇയില് തങ്ങാം. പിന്നീട് ആവശ്യമെങ്കില് 90 ദിവസം കൂടി ദീര്ഘിപ്പിക്കുകയും ചെയ്യാം.
മകന് വേണ്ടി ദുബായിലെ ഏറ്റവും വിലകൂടിയ വില്ല സ്വന്തമാക്കി മുകേഷ് അംബാനി
ദുബായില് പുതിയ ആഡംബര ഭവനം സ്വന്തമാക്കി കോടീശ്വരന് മുകേഷ് അംബാനി. മകന് ആനന്ദ് അംബാനിയ്ക്ക് വേണ്ടിയാണ് ദുബായിലെ ബീച്ചിന് സമീപത്തായി സ്ഥിതി ചെയ്യുന്ന പാം ജുമെയ്റയിലെ ഈ വില്ല വാങ്ങിയതെന്ന് റിപ്പോര്ട്ടുകള് വ്യക്തമാക്കുന്നു. പാം ജുമെയ്റയിലെ വടക്കന് മേഖലയിലാണ് ഈ വില്ല സ്ഥിതി ചെയ്യുന്നത്. 80 മില്ല്യണ് ഡോളര്(ഏകദേശം 639 കോടി രൂപ) തുകയ്ക്കാണ് ഈ വില്ല അംബാനി സ്വന്തമാക്കിയതെന്ന് ബ്ലൂംബെര്ഗ് റിപ്പോര്ട്ട് ചെയ്തു. പത്ത് കിടപ്പുമുറികള്, ഒരു സ്വകാര്യ സ്പാ, ഇന്ഡോര്-ഔട്ട്ഡോര് പൂളുകള് എന്നിവയെല്ലാം ഈ […]
ഇറാനുമായി നയതന്ത്രബന്ധം പുനഃസ്ഥാപിച്ച് ഗൾഫ് രാജ്യങ്ങൾ
ഇറാനുമായി വിവിധ ഘട്ടങ്ങളിൽ അവസാനിപ്പിച്ച നയതന്ത്രബന്ധം പുനഃസ്ഥാപിച്ച് ഗൾഫ് രാജ്യങ്ങൾ. ഗൾഫ് മേഖലയിൽ യുദ്ധമോ സംഘർഷമോ ആഗ്രഹിക്കുന്നില്ലെന്ന സന്ദേശമാണ് പുതിയ നീക്കത്തിലൂടെ രാജ്യങ്ങൾ നൽകുന്നത്. യുഎഇ, കുവൈത്ത് എന്നിവയ്ക്കു പിന്നാലെ സൗദിയും ഇറാനു നേരെ സൗഹൃദത്തിന്റെ കരം നീട്ടുകയാണ്. ഇറാനെതിരെ അറബ് രാജ്യങ്ങളുടെ സൈനിക സഖ്യമുണ്ടാക്കാൻ യുഎസ് നീക്കം നടത്തുന്നതിനിടെയാണിത്. ഹൂതി വിമതരുടെ ആക്രമണത്തിന്റെ പേരിൽ അവസാനിപ്പിച്ച നയതന്ത്ര ബന്ധം യുഎഇ പുനഃസ്ഥാപിച്ചെങ്കിലും തർക്കങ്ങൾ പരിഹരിച്ചതായി സൂചനയില്ല.